Hizkuntza-prestakuntza ikastetxeentzat: kudeaketa integrala eta neurrira egindako proiektuak

1. MondragonLinguak metodologia propioa du, ikasleen adin-tarteetara egokitua, hizkuntza behar bezala ikas dezaten bermatzeko, ikuspegi ludiko batetik ikuspegi akademikoago bateraino.

2. MondragonLingua Cambridge Englisheko prestakuntza-zentro ofiziala da, eta ikasleak Cambridgeko ziurtagiri ofizialak lortzeko prestatzen ditu.

3. Familiekiko komunikazioa zaintzen dugu: modu sistematikoan ematen diegu ikasleen bilakaerari, ikaskuntzari eta eskolen aprobetxamenduari buruzko informazioa, bai eta ikasgelan sor daitekeen edozein gorabehera edo kezkaren berri ere.

4. Gure berme dira 40 urtetik gorako esperientzia eta eskolaz kanpoko jardueretan urtean prestatzen ditugun 2.500 ikasletik gora.

Adituek ahalik eta goizen hastea gomendatzen dute. Uste dugu 3 edo 4 urterekin haurrak prest daudela bigarren hizkuntza bat modu formalean bereganatzen hasteko, klaseetara modu erregularrean joanda.

Metodologia dinamikoa eta parte-hartzailea da, eta ikasleak dira ikaskuntzaren benetako protagonistak.

Gainera, hizkuntza-murgiltze dinamikaren bidez ikasten da: hau da, saioetan irakasleek ingelesez baino ez dute hitz egingo.

Halaber, hizkuntza-trebetasun guztiak lantzearekin batera, banakako lana eta talde-lana sustatzen dira.

Saio bakoitzean, saio horretarako helburua aurkezten da, jarduerak egiten dira eta amaieran feedbacka ematen da. Horrela, ikasleek ezagutzen duten errutina bati jarraitzen zaio, eta autokonfiantza lantzen da.

Jarduerak hizkuntza-trebetasun guztiak lantzeko diseinatuta daude, eta ikasleen adinera egokituta daude.

Haur Hezkuntzan eta Lehen Hezkuntzako lehen eta bigarren zikloetan, taldeak adinaren arabera osatzen dira. Lehen Hezkuntzako bigarren ziklotik aurrera eta Bigarren Hezkuntzan, ikasleek maila-proba bat egiten dute, taldeak modu homogeneoan antolatzeko eta aurre egin beharko dioten azterketa prestatzeko.

Irakasle bakoitzak saio bakoitzaren eguneroko erregistroa egiten du, eta saioaren helburua, bertaratzea eta ikasle bakoitzaren ebaluazioa jasotzen ditu. Horrela, ikasturtean zehar ebaluazio jarraitua egiten da.

Gainera, ziurtagiri ofizial bat prestatzen ari diren taldeetan, horretan oinarritutako proba-azterketak egiten dira, ikasleek ikastaroaren helburuari dagokionez duten maila jakiteko.

Ikasleen ebaluazio akademikoa eta jokabidea jasotzen duten hiruhileko edo lauhileko txostenen bidez egiten dira ebaluazio sistematikoak.

Gainera, familiek seme-alabaren irakaslearekin edo proiektuaren koordinatzailearekin edozein unetan harremanetan jartzeko aukera dute.

Irakasle bakoitzak bere ikasleen bertaratzearen eguneroko erregistroa egiten du. Haurra Haur Hezkuntzakoa edo Lehen Hezkuntzakoa bada, irakasleak haurraren hutsegiteari buruz galdetuko die ikastetxeko begiraleei eta/edo irakasleei, adibidez, gaixorik dagoen jakiteko.

Ikaslea Bigarren Hezkuntzakoa bada, irakasleak mezu elektroniko bat bidaliko dio familiari klasea amaitzean, bertaratze-hutsegitearen berri emateko.

Irakasleek unibertsitateko titulazioa dute, hala nola hezkuntzako, filologiako edo itzulpengintzako gradua. Edo beste edozein titulazio, ingeleseko beharrezko ziurtagiri ofizialaz gain.

Halaber, esperientzia dute haurrekin lanean, irakaskuntzaren eta/edo aisialdiaren arloan.

Azterketa horiek nazioarteko aitortza dute, eta ikasleei beren ingeles-maila modu ofizialean egiaztatzeko aukera ematen diete.
B2 First azterketaren kasuan, unibertsitateko ikasle batek Erasmus programan sartzeko aukera izango du.

Azterketa horiek prestatzeko, askotariko materialak erabiltzen dira, maila horretarako ezarritako eduki ofizialak barneratzen direla bermatzeko.

Gainera, berariazko saioak egiten dira ikasleari azterketaren egitura ezagutzen laguntzeko eta azterketa gainditzeko behar diren gaitasunak eta trebetasunak garatzeko.