MondragonLingua
Edizioa: 2019/02/25 Datu Pertsonalen BabesaBerrikuspena:
2019/02/25
Erref.: WEB-001
Bertsioa: 2.0
Webgune korporatiborako lege-oharra eta pribatutasun-politika
Lege-informazioa: Informazioaren Gizartearen eta Merkataritza Elektronikoaren Zerbitzuei buruzko uztailaren 11ko 34/2002 Legea betez, jakinarazten dizugu www.mondragonlingua.com interneteko domeinuaren titularra Mondragon Lingua, Koop.E. (IFZ: ES-F20072609) dela; helbidea: Araba etorbidea 4, 20500 Arrasate (Gipuzkoa); telefonoa: (+34) 943712055; helbide elektronikoa: mlarrasate@mondragonlingua.com; Euskadiko Kooperatiben Erregistroan inskribatuta dago. Mondragon Lingua, Koop.E. (aurrerantzean "MondragonLingua" edo "Tratamenduaren Arduraduna") sozietate kooperatibo bat da, hizkuntzak irakasteko eta itzulpen- eta komunikazio-zerbitzuak emateko helburua duena. www.mondragonlingua.com webgunean (aurrerantzean "webgunea") MondragonLinguaren jabetza da. Webgune hau bisitatzen eta erabiltzen duen pertsona webgunearen erabiltzailea da (aurrerantzean "erabiltzailea").
1. Baldintza orokorrak: Erabiltzailea bere borondatez sartzen da webgune honetara. Webgune honetara sartzea doakoa da. Webgune honetan nabigatzeko, legezko ohartarazpenak, erabilera-baldintzak eta -zehaztapenak, pribatutasun-politika eta cookie-politika onartu eta ezagutu behar dira. Erabiltzailea ez badago ados baldintza horiekin eta ez badu baimenik ematen, ezingo du webgune hau erabili. Webgune honetara sartzea eta bertan dagoen informazioa erabiltzea erabiltzailearen erantzukizuna da soilik, eta webgunearen helburuaren arabera erabiltzeko konpromisoa hartzen du. Erabiltzaileak ezin du webgune honetako informazioa legez kontra erabili, ezta webgune honetako sistema informatikoak kaltetu edo alda ditzakeen ekintzarik egin ere. Debekatuta dago erabiltzaileek eduki faltsuak edo zehaztugabeak sartzea eta jakinaraztea, baldin eta Tratamenduaren Arduraduna, webgunearen erabiltzaileak edo hirugarrenak nahastea eragiten badute edo eragin badezakete. Erabiltzailea izango da datu horiek jakinarazteak eragiten dituen kalteen erantzule bakarra. Debekatuta dago hirugarrenen datu pertsonalak haien baimenik gabe erabiltzea, bai eta hirugarrenen identifikazio-datuak erabiltzea ere, beste edozein pertsona edo erakunde dela itxura egiteko.
Tratamenduaren Arduradunak ahalik eta ahaleginik handienak egiten ditu webgunean argitaratzen diren eduki eta funtzionalitateetan akatsak saihesteko, eta edozein unetan haiek aldatzeko ahalmena du. Tratamenduaren Arduradunak berariaz uko egiten die webgune honetako edukietan egindako akats edo omisioengatiko erantzukizunei eta horien egiazkotasunik, zehaztasunik eta gaurkotasunik ezak eragindako kalte-galerei. Webguneak beste webgune batzuetarako estekak eskain ditzake edo bilatzaileen bidez sarbidea erraztu. MondragonLinguak ez du inolako erantzukizunik bere gain hartzen estekatutako gune horiei dagokienez, ezta bilaketen emaitzei dagokienez ere; izan ere, ez du inolako kontrolik gune horien gainean, haien edukiari, produktuei, eskainitako zerbitzuei etab. dagokienez. Zerbitzu horien helburua erabiltzaileari beste informazio-iturri batzuen berri ematea da, eta, beraz, erabiltzaileak bere erantzukizunpean soilik eskuratzen ditu edukiak eta horietan arautzen diren erabilera-baldintzak. Sare edo kanal sozialetarako esteken kasuan, Tratamenduaren Arduradunaren edo hirugarrenen titulartasunekoak badira, sare edo kanal horien baldintza orokorren arabera arautuko dira. MondragonLinguak ez du bere gain hartuko webgune honen edo bere edukien erabilerak ekar ditzakeen ondorio, kalte edo galeren erantzukizunik, kalte informatikoak eta birusak edo edozein software gaizto sartzea barne.
Tratamenduaren Arduradunak ez du bermatzen webgunean birusik edo hirugarrenek sartutako bestelako elementu kaltegarririk ez dagoela, erabiltzaileen sistema fisiko edo logikoetan alterazioak eragin ditzakeenik, baina eskura dituen bitartekoak erabiltzen ditu hori gerta ez dadin. MondragonLinguak beretzat gordetzen du webgune honetako diseinua, konfigurazioa eta informazioa edozein unetan aldatzeko edo ezabatzeko eskubidea, aldez aurretik jakinarazi eta/edo justifikatu gabe, egoki iritziz gero. Tratamenduaren Arduradunak ez du bere gain hartuko aldaketa horiek eragin ditzaketen kalteen erantzukizuna.
2. Erregistroak eta harpidetzak: Webgune honetara sartzeak ez du esan nahi datu pertsonalak eman behar direnik. Hala ere, eskainitako zerbitzu batzuek aurretiko erregistroa behar dute, hala nola bezeroen edo ikasleen eremu pribatuetarako sarbideak, informazioa eskatzeko inprimakiek, enplegua eskatzeko inprimakiek edo informazio-buletinetarako harpidetzak. Erregistroa segurua izan dadin eta eskainitako zerbitzua behar bezalakoa izan dadin, erabiltzaileak datu pertsonal batzuk eman behar ditu. Erabiltzaileak konpromisoa hartzen du datu egiazkoak, zehatzak eta osoak emateko, bai erregistratzeko unean, bai ondorengo komunikazioetan, eta horietan egindako edozein aldaketaren berri emateko ardura hartzen du. "Maila-testa", "Kontaktua", "Hitzordua eskatu" eta "Gurekin lan egin" izeneko inprimakietan agertzen diren nahitaezko eremu horiek ez betetzeak edo oker betetzeak MondragonLinguak erabiltzailearen eskaerari ezin erantzutea ekar dezake.
Webgune hau erabiltzeak eta bere zerbitzuetara erregistratzeak edo harpidetzeak MondragonLinguaren baldintza orokorrak, pribatutasun-politika eta cookie-politika onartzea dakar. Era berean, bere zerbitzuei buruzko merkataritza-komunikazioak posta arruntez eta/edo bitarteko elektronikoz bidaltzeko adostasun espresua eta baimena eman beharko dizkio Tratamenduaren Arduradunari. Komunikazio horien hartzaileek eta webgunearen erabiltzaileek baimen hori ezeztatu ahal izango dute, eta zerbitzu horien baja eskatu ahal izango dute nahi dutenean, mlarrasate@mondragonlingua.com helbide elektronikora eskaera bat bidaliz edo Tratamenduaren Arduradunak horretarako ematen duen beste edozein bitarteko erabiliz, hala nola informazio-buletinen azken aldean kokatutako "Baja ematea" izeneko mekanismoa.
3. Sarbide-gakoen erabilera: Ikasleak eta bezeroak eremu pribatuetara ("Eremu Pribatua") sartzeko gakoak pertsonalak, konfidentzialak eta besterenezinak dira. Erregistratutako erabiltzaileak hitz ematen du arduraz erabiliko dituela eta ez dizkiola inori jakinaraziko. Beren gakoak administratzeko gaitasunik ez duten adingabeen kasuan, gurasoek edo legezko tutoreek kudeatu behar dituzte, adingabeekin batera. Erregistratutako erabiltzaileak ez dizkio bere gakoak eskatzen dizkion inori jakinarazi behar, ez telefonoz, ez posta elektronikoz, ez webgune honen bidez edo beste edozein bidetatik. MondragonLinguak erabiltzaile-kodea eta pasahitza desberdinak izatea eta gutxienez zortzi karaktere alfanumeriko izatea gomendatzen du. Erabiltzaileak bere gakoak buruz ikasi behar ditu, eta ez ditu beste pertsona batzuek eskura ditzaketen euskarri fisiko edo informatikoetan gorde behar. Sarbide-gakoak aldizka aldatu behar dira, gutxienez urtean behin. Garrantzitsua da erabiltzaileak bere kontu pertsonala ixtea bere eremu pribatuko saio bakoitza amaitzean; izan ere, horrela ziurtatuko du inork ezin izango duela bere informazio pertsonala eskuratu bere ekipoa norbaitekin partekatzen badu edo leku publiko batean (liburutegi batean, enpresa batean edo ikastetxe batean) ekipo bat erabiltzen badu. Gakoa ahaztuz gero, erabiltzaileak MondragonLinguari jakinarazi beharko dio, eta hark automatikoki gako berri bat esleituko dio. MondragonLinguak lehen sarbidean aldatzea gomendatzen du, erabiltzaileak berarentzat gogoratzeko erraza den eta baimenik gabeko hirugarren batentzat ondorioztatzeko zaila den gako bat erabil dezan. Erabiltzaileak berehala jakinarazi beharko dio MondragonLinguari sarbide-gakoen inguruan detektatutako edozein gorabehera, segurtasun-arrakala, sarbide desegoki edo baimenik gabeko sarbide. Ohartarazteko lehentasunezko mekanismo gisa honako hauek ezartzen dira: (+34) 943712055 telefonoa eta mlarrasate@mondragonlingua.com helbide elektronikoa.
4. Jabetza intelektuala eta industriala: Webgune honen, bere orrien, atalen, pantailen, duten informazioaren, itxuraren eta diseinuaren, testuen, argazkien, irudien, audioen, bideoen, animazioen, produktuen eta zerbitzuen, marken, logoen, leloen eta abarren jabetza eskubideak MondragonLinguarenak dira, besterik zehazten ez bada. Webgunean sartzeak edo nabigatzeak ez du esan nahi, inola ere, MondragonLinguak duen jabetza intelektual eta industrialeko eskubideei uko egiten dionik, ezta erabiltzaileari eskubideen transmisioa edo lizentzia ematen dionik ere, ez osoa, ez partziala. Baimenik gabe obra horiek erreproduzitzea, banatzea, merkaturatzea edo eraldatzea Tratamenduaren Arduradunaren jabetza intelektualaren eskubideen urraketa da. Erabiltzaileak konpromisoa hartzen du webgune honen titulartasuna kaltetzen duen ekintzarik ez egiteko. Webgune honetan dagoen informazioa baimenik gabe erabiltzeak, bai eta titularren jabetza intelektual eta industrialaren eskubideetan eragindako kalteek ere, legez dagozkion ekintzak gauzatzea ekar dezakete, eta, hala badagokio, jarduera horretatik eratortzen diren erantzukizunak ere bai.
5. Aldaketak: Baldintza hauek aldatu ahal izango dira MondragonLinguak egoki irizten dionean, dela lege-aldaketetara egokitzeko, dela bestelako hobekuntzak egiteko. Aldaketa horiek webgune honetan argitaratzen direnetik izango dira baliozkoak. Tratamenduaren Arduradunak eskura dituen bitartekoak erabiliko ditu webgunearen erabiltzaileei egindako aldaketen berri emateko.
6. Jurisdikzioa: MondragonLinguaren eta erabiltzailearen artean ezarritako harremanak legeria aplikagarriari eta jurisdikzio eskudunari buruz indarrean dagoen araudian xedatutakoaren arabera arautuko dira. Hala ere, araudiak alderdiei foru baten mende jartzeko aukera aurreikusten dien kasuetarako, Tratamenduaren Arduraduna eta erabiltzailea, legokiekeen beste edozein foruri esanbidez uko eginez, Bergarako (Gipuzkoa) epaitegi eta auzitegien mende jarriko dira. MondragonLinguak aurreko baldintzen ez betetzeak jazarriko ditu, baita bere webgunean aurkeztutako edukiak modu bidegabean erabiltzea ere, zuzenbidean dagozkion ekintza zibil eta penal guztiak gauzatuz, izaera ekonomikokoak barne.
Lege Oharraren azken eguneratzea: 2019/02/25.
Pribatutasun Politika - Datu Pertsonalen Babesa
1. Sarrera: Datu Pertsonalen Babesari buruz indarrean dagoen araudia betez, Europako Parlamentuaren eta Kontseiluaren 2016ko apirilaren 27ko 2016/679 EB Erregelamendua, pertsona fisikoen babesari buruzkoa datu pertsonalen tratamenduari eta datu horien zirkulazio libreari dagokionez ("DBEO"), eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa ("DBEDBLO") bereziki aipatuz, erabiltzaileei jakinarazten zaie hainbat modutara emandako datu pertsonalak –posta elektronikoen, formularioen ("Kontaktua", "Matrikulazioa", "Hitzordu bat eskatu", "Gurekin lan egin", etab.), matrikulatzeko tresnen, maila-proben, arlo pribatuen edo webgune honetan kokatutako beste edozein bitartekoren bidez– MondragonLinguaren, Tratamenduaren Arduraduna (IFZ: ES-F20072609), datuen tratamendurako sistemetan sartuko direla, jasotako kontsultei eta eskaerei erantzuteko, zurekin harremanetan jartzeko, eskatutako zerbitzuak kudeatzeko, harreman profesional eta komertzialak eta zure jardueraren berezko funtzioak eta interes legitimoak kudeatzeko, bai eta harpidetu zaren buletinak eta albisteak bidaltzeko eta zure interesekoak izan daitezkeen etorkizuneko komunikazio profesional eta komertzialak bidaltzeko ere. Pribatutasun-politika hori onartzeak berekin dakar deskribatutako datuen tratamendurako berariazko baimena ematea, eta aurreko paragrafoan deskribatutako helburuetarako denboran mugarik gabe gorde ahal izango dira, zuk kontrakoa adierazi ezean. Pribatutasun-politika honetan deskribatutako datu-tratamenduetarako eta balizko komunikazioetarako oinarri juridikoak honako hauek dira, datuen babesari buruzko araudian ezarritakoaren arabera: a) datuak tratatzeko baimena, b) zuk eskatutako zerbitzuak gauzatzeko zure datuen tratamenduaren beharra, c) Tratamenduaren Arduradunak legezko betebeharrak betetzea, eta/edo d) Tratamenduaren Arduradunaren interes legitimoa, adibidez, merkataritza-komunikazioak bidaltzeko ("zuzeneko marketina"). Zure datu pertsonalen tratamendua isilpean egingo da. MondragonLingua erabiltzaileen datu pertsonalen pribatutasunarekin eta babesarekin konprometituta dago, bere baliabideak erabiltzen ditu interesdunen segurtasuna eta pribatutasuna bermatzeko, eta datuak babesteko erakundeek eskaintzen dituzten gomendio, txosten, berrikuntza eta jarraibideei jarraituz jarduten du,
2. Matrikulazioa: Gure ikastaroetan, aurrez aurre eta/edo linean, matrikulatzeko ematen dituzun datu pertsonalak gure datuen tratamenduetan sartuko dira. Datuen tratamenduen helburua da hizkuntzak prestatzeko eta irakasteko jarduerak eta jarduera horietatik eratorritakoak edo horiekin lotutakoak kudeatzea, gure ikasleekin eta haien ordezkariekin harreman komertziala izatea (adibidez, komunikazio komertzialak bidaliz), gure zerbitzuak eta jarduerak sustatzea eta zabaltzea, gure jarduerari dagozkion eginkizun legitimoak betetzea eta jardueratik eratorritako legezko betebeharrak betetzea. Ikastaroen helburuak behar bezala betetzeko beharrezkoak diren bertaratzeari, aprobetxamenduari, lortutako kalifikazioei, portaerari, gorabeherei, zigorrei, jardueretan parte hartzeari eta bestelakoei buruzko datuak ikaslearen gurasoei edo legezko ordezkariei eta/edo MondragonLinguaren ikasle den pertsonari, enpresari edo erakundeari jakinarazi ahal izango zaizkie. Azterketa ofizialetara aurkezten diren ikasleen kasuan, ikasleak eta, hala badagokio, haren gurasoek edo legezko ordezkariek berariaz baimentzen dute kudeaketa hori egiteko behar diren datuak azterketen antolatzaileei eta koordinatzaileei jakinaraztea, eta, ikasleak gainditzen badu, MondragonLinguak bere izena komunikabideetan eta bere webguneetan, web-kanaletan eta argitalpenetan argitaratzea.
Ikastaroak eta egonaldiak atzerrian egin nahi dituzten ikasleen kasuan, ikasleak eta, hala badagokio, haren gurasoek edo legezko ordezkariek berariaz baimentzen dute ikastaroak egiteko behar diren datuak erakunde antolatzaileei eta ikastaroetako hirugarren laguntzaileei jakinaraztea. Dirulaguntzak eskatuz gero, ikasleak eta, hala badagokio, haren gurasoek edo legezko ordezkariek berariazko baimena ematen diote Tratamenduaren Arduradunari bere datuak arlo horretan eskumena duten erakundeei jakinarazteko. Jarduerak egiten diren bitartean, Tratamenduaren Arduradunak argazkiak, ikus-entzunezko grabazioak eta abar egin ditzake, parte-hartzaileen irudia eta ahotsa barne. Ikasleak eta, hala badagokio, haren gurasoek edo legezko ordezkariek berariaz baimena ematen diote Tratamenduaren Arduradunari bere irudia eta ahotsa ikastetxeko instalazioetan, webguneetan eta sare sozialetan sartzeko.
Ikasleari eta, hala badagokio, haren gurasoei edo legezko ordezkariei jakinarazten zaie, Tratamenduaren Arduradunaren interes legitimoa oinarri hartuta, eskatutako zerbitzuei eta egiten dituen jarduerei buruzko informazioa helaraz diezaiekeela posta arruntaren, telefonoaren eta bitarteko elektronikoen bidez, posta elektronikoa (aldizkari elektronikoa, etab.), sare eta kanal sozialak (Facebook, Twitter, Instagram, etab.), mezularitza elektronikoa (WhatsApp, SMS mezuak, etab.), eta antzeko tresnak. Datu pertsonalen tratamendua paperean zein bitarteko informatikoen bidez egin ahal izango da. Zerbitzuak ematen amaitu ondoren, MondragonLinguak hamar urtez gordeko ditu datuak, eta, ondoren, datuak ezabatuko ditu, konfidentzialtasuna bermatzeko beharrezkoak diren segurtasun neurriekin.
Dokumentu hau MondragonLinguaren Datuak Babesteko Politika da ikasleei dagokienez, eta, beraz, ez da beharrezkoa izango horren berri ematea ondorengo jardueretan, bai, ordea, aldaketak egoten badira edo lege-aldaketak ematen badira. Eskatutako datuak aurkeztuz gero, gure zerbitzuak eskatuz gero eta Datuak Babesteko Politika hau onartuz gero, berariazko baimena eman behar duzu deskribatutako datuen tratamendu eta komunikazio guztiak jasotzeko, baita bereziki babestutako datu legaltzat jotzen diren datuak ere, beharrezkoa denean. Zure datuak tratatzeko baimena ematen ez baduzu edo ondoren kentzen baduzu, MondragonLinguak ezin izango ditu eskatutako zerbitzuak eman.
3. Curriculumak: Webgune honen, formularioen, posta elektronikoaren edo antzeko mekanismoen bidez curriculum vitaea ematen duen erabiltzaileak berariazko baimena ematen du bere datuak "Curriculumak eta Langileen Hautaketa" izeneko datu-tratamenduan sartzeko. Zure datuak enpresako langileak hautatzeko prozesuetan parte har dezan erabili ahal izango dira. Era berean, Tratamenduaren Arduradunak langileak hautatzeko prozesuak egiteko kontratatzen dituen kanpoko enpresei utzi ahal izango dizkio zure datuak.
4. Segurtasun-neurriak: MondragonLinguak bere datuen tratamenduetan dauden datu pertsonalak tratatuko ditu, segurtasuna bermatzeko eta baimenik gabe horiek aldatzea, galtzea, tratatzea edo eskuratzea saihesteko beharrezkoak diren neurri teknikoak eta antolakuntzakoak hartuz, kontuan hartuta teknologiaren egoera, biltegiratutako datuen izaera eta horiek dituzten arriskuak, giza ekintzatik nahiz ingurune fisiko edo naturaletik datozenak, datu pertsonalen tratamenduen segurtasun-neurrien arloan aplikagarria den indarreko legediaren arabera. Hala ere, erabiltzaileei jakinarazten zaie segurtasun informatikoko neurriak ez direla menderaezinak, eta ez daudela egon daitezkeen esku sartze ilegal eta bidegabeetatik salbu, horiek ez lirateke MondragonLinguaren erantzukizuna izango. Erabiltzaileen segurtasuna eta pribatutasuna bermatzeko, webgune honek konexio seguruko geruza-protokoloetan oinarritutako enkriptazio-teknologia erabiltzen du, nabigazioa ahalik eta seguruena izan dadin.
5. Interesdunen eskubideak: Datuak eskuratzeko, zuzentzeko, ezabatzeko, tratamendua mugatzeko, eramangarritasunerako eta aurka egiteko eskubideak balia ditzakezu, bai eta zure baimena kendu edo gai horri buruzko beste edozein eskaera egin ere. Horretarako, idatzi bat bidali beharko diozu Tratamenduaren Arduradunari, MondragonLinguari (Araba etorbidea 4, 20500 Arrasate, Gipuzkoa), tlf. (+34) 943712055, edo mlarrasate@mondragonlingua.com helbide elektronikoaren bidez. Eskaerarekin batera, eskatzailearen nortasuna egiaztatzen duen agiriaren kopia aurkeztu beharko da (NANa edo antzekoak). Eskaera legezko ordezkari gisa eginez gero, eskatzailearen nortasuna egiaztatzen duen agiriaren kopiaz gain, ordezkaritza hori egiaztatzen duen agiri bat ere aurkeztu beharko du. Eskaeraren ebazpenarekin ados ez bazaude edo erreklamazio bat aurkezten baduzu, Datuak Babesteko Espainiako Agentziara jo dezakezu: www.aepd.es.
6. Trafikoari buruzko datuak: Webgune honen bidez zerbitzu hobea eskaintzeko, erabiltzailearen IP helbidea eta gailuaren beste ezaugarri batzuk erregistra daitezke. Horrela, datuak prozesatu ahal izango dira, besteak beste, bisitatutako orrien kopurua, bisiten kopurua, webgunearen bisitarien/erabiltzaileen jarduera eta horien erabilera-maiztasuna aztertzeko. Erabiltzaileak bere gailuaren IPa erregistratzeko aurretiazko baimen informatua ematen du webgunean konektatzen eta nabigatzen den bitartean, eta ez da beharrezkoa webgune honetara sartzen den bakoitzean eskatzea.
7. Sare sozialetarako eta web-kanaletarako esteka: Webgune honek sare sozialetarako eta kanpoko webgune eta kanaletarako estekak eskaintzen ditu, besteak beste, Facebook, Instagram, YouTube eta Twitter. MondragonLinguak ez du inolako erantzukizunik bere gain hartzen estekatutako gune horiei dagokienez. Sare sozialetara eta MondragonLinguarekin lotutako kanpoko webgune eta kanaletara webgune honetan kokatutako esteketatik edo beste edozein modutan sartzen den erabiltzaileari aldez aurretik eta berariaz jakinarazten zaio erabilera-baldintzak, pribatutasun-politikak, cookie-politikak eta edozein baldintza eta/edo araudi sare sozial horien eta web gune eta kanal horien erakunde arduradunen mende daudela, eta inoiz ez MondragonLinguaren mende.
8. Indarraldia: MondragonLinguak beretzat gordetzen du bere pribatutasun politika bere irizpidearen arabera aldatzeko eskubidea, lege edo jurisprudentzia aldaketetarako. Tratamenduaren Arduradunak aldaketaren bat egiten badu, testu berria webgune honetan bertan argitaratuko da, eta erabiltzaileak horren berri izan ahal izango du. Nolanahi ere, erabiltzaileekiko harremana webgunera sartzeko une zehatzean aurreikusitako arauen arabera arautuko da. Horregatik, webgunera konektatzen zaren bakoitzean pribatutasun-politika hori bisitatzea gomendatzen dizu Tratamenduaren Arduradunak.
9. Jurisdikzioa: MondragonLinguaren eta erabiltzailearen artean ezarritako harremanak legeria aplikagarriari eta jurisdikzio eskudunari buruz indarrean dagoen araudian xedatutakoaren arabera arautuko dira. Hala ere, araudiak aldeei foru baten menpe jartzeko aukera aurreikusten dien kasuetarako, MondragonLingua eta erabiltzailea, legokiekeen beste edozein foruri esanbidez uko eginez, Bergarako (Gipuzkoa) Epaitegi eta Auzitegien menpe jartzen dira. MondragonLinguak Pribatutasun Politika honen ez betetzeak jazarriko ditu, baita webgune honetan aurkeztutako edukiak modu bidegabean erabiltzea ere, zuzenbidean dagozkion ekintza zibil eta penal guztiak gauzatuz, izaera ekonomikokoak barne.
Pribatutasun Politikaren azken eguneratzea: 2019/02/25.